Një leak i hartës për GTA 6, e cila duket se tregon një version të ri të Vice City, është rishfaqur me disa detaje. Sidoqoftë, jo të gjithë po e marrin seriozisht atë.

Rockstar Games as nuk ka konfirmuar që po punon mbi GTA 6, por kjo nuk i ka ndaluar adhuruesit e ekskluzivitetit ikonik të gërmojnë në atë që mund të jenë duke punuar.

Pas një tufë të tërë thashethemesh rreth vendit ku mund të vendoset loja – përfshirë Londrën, Amerikën e Jugut dhe madje edhe Las Vegas – duket sikur GTA 6 do t’i kthejë lojtarët përsëri në Vice City.

Vendndodhja e frymëzuar nga Miami ka dalë në disa rrjedhje, dhe ndërsa harta origjinale ishte e madhe për kohën e saj, Rockstar mund ta bëjë edhe më e madhe këtë herë.

Në fund të vitit 2018, një pamje satelitore e asaj që duket sikur është harta GTA 6 u shfaq në internet, por asaj i mungonin detajet kryesore si pikat e interesit, shënuesit e dyqaneve dhe më shumë.

Disa lojtarë menjëherë e hodhën poshtë atë si një photoshop, por duke pasur parasysh se si harta e Red Dead Redemption 2 u zbulua shumë përpara lancimit së saj në një mënyrë të ngjashme, disa fansa gjithmonë kanë besuar se është e vërtetë.

Një imazh i ngjashëm është rishfaqur me disa detaje më shumë në formën e rrugëve dhe duke treguar pjesën jugore të hartës. Më parë, vetëm pjesa verilindore e hartës, e cila duket tepër si Vice City, kishte rrjedhur, por tani ka një përhapje më të madhe të kësaj.

Ndërsa disa tifozë ende shpresojnë se është e vërtetë, ka shumë dyshime. “Duket më shumë si një hartë Just Cause sesa një GTA,” tha një tifoz. “Diçka duket ters për këtë. Renderimi aktual duket vërtet i paqartë,”shtoi një tjetër.

Nuk ka asnjë mënyrë për të përcaktuar nëse harta është e vërtetë apo e rremë, por si thashethemet e tjera të GTA 6, është një që nuk do të zhduket thjeshtë.

Burimi GAMEON